»De Hunsrick is mei Welt« Ida Conrath

De Hunsrick is mei Welt

Die Welt is groß, die Welt is weit
Un vielerorts gar scheen,
eich wääß dat ganz genau, deer Leit,
un hon aach neist dege’n;
eich kenne se un saa’n auuch all,
dat meer de best gefällt
de Hunsrick, wo eich sin gebor –
de Hunsrick is mei Welt!

Liweckercher (Lerchen) die singe do
Dem Wannerschmann en Lied,
dat klingt so froh, kummt laustert nor!
Et geht ää’m in’d Gemiet. –
Un ritscht dann noch mit Majestät
Die Sunn sanft hinner’m Berich,
dann falte still sich zum Gebet
mei Hänn wie in der Kerich. – –

En Winterdaach mit Glitzerschnee
Un hellstem Sunneschein
In jedem Daal, uf jeder Heh –
Kann ebbes scheener sein?
De Hiemel is so bloo un hoch,
die Luft so frisch un rään.
Dau bist beglickt – un fiehlst dich doch
A’s Mensch so winzig klään.

Do werd et äänem sunnerbar,
un kimmt jemand deher,
– en Bauerschmann wahrscheinlich gar –
Dann grießt mer froh un ger’.
Un guckt mer in sei Au’e nin,
dann wääß mer ganz genau:
En Hunsrickbauer duut kä Sinn,
dofor is de zu schlau!

So losse eich auuch allegar
Die Musel, Noh, de Rhein,
de Taunus, Westerwald, die Ahr,
un warr’ et aach ma’ sein!
Eich saa’n auuch hie noch äämol nor,
dat meer de best gefällt
de Hunsrick, wo eich sin gebor,
de Hunsrick is mei Welt.

De Hunsrick grießt!

Zur 1200-Jahr-Feier des Dorfes Biebern

Willkumm Auuch all, der liewe Gäst,
uf uusem Hunsrick-Heimatfest!
Willkumm Auuch all in großer Zahl
In uusem stille Biewerdaal!

Die Zeit steht haut hie scheint’s mol still,
weil se sich mol besinne will,
wat uusem Dorf 1200 Johr
geschenkt un aach genumm is wor!

Losst uus de alte Eichbääm lausche,
wat die dovun uus haut noch rausche;
et wisse v’leicht vun den’n noch paar,
wie’t frieher uf dem Hunsrick war!

Jo – wißt-deer, wer lo-hie-her kimmt,
sich bißje Zeit for alles nimmt,
un lausche kann, recht still un fein,
de wird erscht mit dem Hunsrick Frein’(d)!

Die Mensche duun uf schwerem Land
Hie still ehr Arwet, oft verkannt,
denn ehr Gesetz hot streng un schlicht
ään äänzig Wort – un dat hääßt – Pflicht!

Dat hon meer Hunsricker im Blut
Vun Altersch her – un so is’t gut!
So sall et immerdar aach bleiwe,
wie aach de Zeitelaaf ma’t treiwe!

De Herrgott sull an jerem Enn
Sei »Jo« dem Hunsrick dozu genn,
dat mer an seine Kinn stets speert:
ehr Heimat, die is Guldes wert!

zum Buch